نبی اور رسول کا جزو لاینفک اورحیثیت کا بدیہی ثبوت"ٱلْـكِـتَٟبُ"منفرد کتاب اللہ ہے۔

اس لئےایسا دعویٰ کرنے والےمرزا غلام احمد قادیانی اور راشدخلیفہ  محض غیر مسلم نہیں بلکہ  کاذب، فاسق ،منافقین ہیں،

مؤلف مظہر انوار نورانی

2024

ہم جناب نے اُن سے کہا’’تم سب اس میں سے نیچے (زمین پر)اتر جاؤ، اکٹھے۔
اس طرح زمین میں آباد ہونے پرجب تم معاشرہ بن چکے ہوگے  تو   جب جب   ہدایت نامہ تم لوگوں تک پہنچ جائے جس کا آغاز اور اجرا ءمیری جانب سے ہو گا:تواُس وقت جنہوں نے میرےہدایت نامہ (کتاب  )کی اس انداز میں پیروی کی کہ  اس کےاور اپنی عقل کے مابین کسی اور بات کو حائل نہیں ہونے دیا۔
تو نتیجے میں (یوم قیامت)خوف ایسے لوگوں پر نہیں چھائے گا۔اور نہ یہ لوگ غم و ملال سے دوچار ہوں گے۔(البقرۃ۔٣٨)

اس ذیلی جملے میں فعل کا فاعل"هُدٙى"مطلق نکرہ ہے۔اس کو واضح اور متبین کرنے کے لئےجار و مجرور"مِّنِّى"فعل اور فاعل سے متعلق ہیں جس میں حرف جر إبتداء الغاية کے لئے ہے۔یہ زمان و مکان میں ایسے فعل کی ابتدا ظاہر کرتا ہے جس  میں ایک مقام سے دوسرے مقام کی جانب متحرک ہونا پایا جاتا ہے۔اللہ تعالیٰ نے واضح فرما دیا کہ منبع ہدایت وہ جناب ہیں اور اس کو بھیجنے  کی ابتداء اور اس کا اجرا ءان کی جانب سے ہو گا۔اور یہ بھی واضح فرما دیا کہ اس ہدایت کا اطلاق تمام پر ہو گا،اس کا تعلق خفیہ اور محض  انفرادی نہیں  بلکہ طشت از بام ہو گا۔

ان جناب نے کہا’’تم دونوں (خاوند بیوی)اس میں سے نیچے (زمین پر)اتر جاؤ، اکٹھے۔وہاں پر تم لوگوں میں سے بعض بعض کے دشمن ہوں گے۔
اس طرح زمین میں آباد ہونے پرجب تم معاشرہ بن چکے ہوگے  تو   جب جب   ہدایت نامہ تم لوگوں تک پہنچ جائے جس کا آغاز اور اجرا ءمیری جانب سے ہو گا:تواُس وقت جنہوں نے میرےہدایت نامہ (کتاب  )کی اس انداز میں پیروی کی کہ ان کے مندرجات اور اپنی عقل کے مابین کسی اور بات کو حائل نہیں ہونے دیا۔اس انداز میں پیروی سے وہ نہ تو ادھراٗدھر بھٹکے گا اور نہ کسی مشقت کا سامنا کرے گا۔(صورۃ طہ۔١٢٣)

اللہ تعالیٰ کی جانب سے  ہدایت بھیجے جانے اور موصول کنندہ انسان کے مابین ذریعہ اور رابطہ بیان نہیں فرمایا۔مگر  انکار اور تکذیب کرنے والوں کا انجام بتاتے ہوئے واضح کر دیا تھا کہ ہدایت نامہ "آیات"کی صورت میں ہو گا۔کسی بھی زبان کی تحریر میں مضمر موادکا مصنف کے نکتہ نظر کے قریب قریب ادراک تبھی ممکن ہے اگر ہم ان کے الفاظ کے چناؤ کی توجیح اور ان میں موجود لازمی عناصر کی تحلیل کے ساتھ ان کی نحوی ترتیب کا تجزیہ کریں۔اور اہم بات یہ ہے کہ ہم تحریر میں بلاغت کے انداز اور طرز کا تعین بھی کریں کیونکہ ان کے ذریعے مصنف منفرد الفاظ اور نحوی ترتیب کے معنی و مفہوم سے کہیں زیادہ اسے ابلاغ کا حامل بناتے ہیں۔خطیبانہ انداز میں ایک قسم ایک بات کےدو متضاد پہلوؤں کو ساتھ ساتھ بیان (Juxtaposition)کرکے قدر مشترک کے باوجود اثرات اور نتیجے کے فرق کو عیاں کرنا ہے۔اللہ تعالیٰ نے"میری ہدایت"کی اتباع کرنے والوں کاخوشگوار انجام بتانے کے بعدمتضاد طرز عمل اختیار کرنے والوں کااندوہناک انجام بتاتے ہوئے "میری ہدایت"کے معنی و مفہوم کو نہ صرف واضح کر دیا بلکہ لفظ "ہدایت"کے مفاہیم کومحدود کر دیا:

ذہن نشین کر لو کہ وہ لوگ جنہوں نے ہمارے رسول کا انکارکر دیا اور ہماری پہنچائی گئی آیتوں (کتاب کے مندرجات /مافوق الفطرت  شئے کا مشاہدہ کرانا)کو لوگوں کے سامنے برملا جھٹلادیا:
تو یہی ہیں وہ لوگ جو زندان جہنم میں رہنے والے ہوں گے۔یہ لوگ ہمیشہ اس (تپتی جہنم)کے اندر رہیں گے۔(البقرۃ۔۳۹)

اس طرح اللہ تعالیٰ نے غیر مبہم الفاظ میں انسان کو زمین پر بھجتے وقت واضح کر دیا تھا کہ انجام کے نکتہ نظر سےہدایت صرف اور صرف اس کو سمجھا اور مانا جائے گا جو زمان و مکان میں وقتاً فوقتاً ان کوآیات میں بیان کردہ الفاظ کے ذریعے پہنچایا جائے گا۔ان کا اطلاق معشر الجن و الانس پر یکساں ہے۔عربی کا لفظ"هُدٙى"مذکراور "ءَايَٟتٚ"واحد"ءَايَةٚ"مؤنث ہیں۔یہ   ہدایت کی اکائیاں ہیں جن میں ہدایت  کی جزیات  کو سمویا گیا ہے۔مگر یہ نہیں بتایا تھا کہ  انسان کو  ہدایت  نامہ بصورت آیات کس ذریعے سے پہنچے گا۔مگر اس جملے میں اظہار موجود تھا کہ درمیان  میں ایک رابطہ کار ہو گا۔

اللہ تعالیٰ نے   ہدایت بھیجنے  کے لئے نبیوں کا انتخاب فرمایا جنہیں تمام تخلیقات پر اشرف اور افضل قرار دیا۔

اللہ تعالیٰ نے   ہدایت بھیجنے کا اپنا وعدہ نباہنے کے لئے وسیلہ،توسط کن کو بنایا؟ارشاد فرمایا:

مطلع رہو؛ ہم جناب نے ان ہر ایک ایک کو  تمام جہانوں کے اوپر صاحبان فضیلت ٹھہرایا تھا۔(حوالہ الانعام۔٨٦)

مطلع رہو؛ ہم جناب نے انہیں (متذکرہ شخصیات)تمام پر فوقیت دیتے ہوئے ذاتی طور پر ایک جماعت کے طور منتخب فرمایا تھا اور ہم نے انہیں ہدایت دی تھی کہ لوگوں کو صراط مستقیم کی جانب بلائیں۔(حوالہ الانعام۔٨٧)

یہ حقیقت ہے کہ ہم جناب نے انہیں اخلاص کے مجسم پیکر کے طور اپنے لئے مخصوص کر لیا تھا،ان کے مخلَص رہنے کا  جہاں میں  ذکروچرچا   ان کا  انعام ہے۔(سورۃ صۤ۔٤٦)

اور ان کے متعلق یہ ناقابل تردید حقیقت ہے کہ ہماری بارگاہ میں اور نقطہ نظر سے ان (انبیاء علیہم السلام)میں  یقیناًہر ایک  ایک اس جماعت کا فرد ہے جو انتہائی احتیاط سےتمام سے معتبر ترین بندوں کی حیثیت سے پسند فرمائے گئے ہیں۔ان کا وصف یہ ہے کہ  ظاہری اور باطنی  دونوں لحاظ سےہمیشہ بہترین  اور اشرف انسان ہیں۔(سورۃ صۤ۔٤٧)

اور آپ(ﷺ)اسماعیل،اور الیسع اور ذا الکفل (علیہم السلام)کا ذکر فرمائیں۔ 

اور بتائیں کہ اللہ تعالیٰ کی بارگاہ اور نقطہ نظر میں ان میں ہر ایک ایک اس جماعت کا فرد ہے جس کا وصف یہ ہے کہ  ظاہری اور باطنی  دونوں لحاظ سےہمیشہ بہترین  اور اشرف انسان ہیں۔(سورۃ صۤ۔٤٨)

اللہ تعالیٰ نے نبیوں کے مجموع کو مرکب توصیفی"ٱلْمُصْطَفَيْـنَ ٱلۡأَخْيَارِ"سے بیان فرمایا۔موصوف"ٱلْمُصْطَفَيْـنَ"باب افتعال میں اسم مفعول جمع ہے۔ ماخذ  "ص۔ف۔و"میں سموئے تصور کو جناب ابن فارس نے اس میں  بیان کیا "يدلُّ على خلوصٍ من كل شَوب"۔"یہ  ایسے خلوص، پاکیزگی کا پیکر ہیں جو  ملاوٹ، عیوب سے منزہ  اوربے داغ ہیں"۔ان کی مثال ایسے  جیسے نور کی کرنوں میں  دھبہ اور سیاہ نقطہ نہیں ہوتا۔

ٱلۡأَخْيَارِ۔ان کی لاینفک،اٹوٹ خصوصیت اور حیثیت اس صفت مشبہ سے بیان فرمائی۔یہ انہیں سرچشمہ خیر بتاتے ہوئے   تمام تخلیق سے بہترین اور اشرف قرار دیتا ہے۔ اس کا ماخذ "خ۔ی۔ر"ہے۔یہ انتہائی جامع تصور کو اپنے میں سموئے ہوئے ہے اور اس میں قدر کی پیمائش کا عنصر (evaluation)اور سبقت، فائق ہونے کابھی ہے۔اس کے احاطہ میں ہر وہ بات ہے جو باعث طمانیت، سکون،بھلائی،بہتری،مسرت و شادمانی، حفاظت، سلامتی ، کامیابی اور فلاح ہے۔

اللہ تعالیٰ کے انسانوں میں سے مردوں کی ایک مخصوص تعداد کو اشرف المخلوقات کے درجے پر فائز کرنے  پر ہم ان کے احسان کو اپنے قلب کی گہرائیوں  میں تسلیم کرتے ہوئے اظہار ممنویت کرتے ہیں۔اللہ اکبر ۔ اللہ اکبر۔اوران تمام کی خدمت میں جن کے اسمائے گرامی ہم جانتے ہیں اور جن کے اسمائے گرامی ہمیں نہیں بتائے گئے جھکی نگاہوں سے انتہائی عقیدت و احترام سے سلام پیش کرتے ہیں۔

بعثت نبی اور انزال ِکتاب لازم و ملزوم ہیں اوربعثت رسول پر  انہیں   پیغام اورکتاب  تھمانا لازم ہے۔

"ٱلنَّبِيِّــۧنَ" کو  دنیا میں اس حالت میں مبعوث /پیدافرمایا کہ ہر ایک کے ہمراہ،معیت میں مدون حالت میں منفرد کتاب کو  مجتمع نازل فرمایا تھا جسےان کے زمان و مکان کے ماحول، تناظر کے تقاضوں کے مطابق  فیصلوں کے لئے سر چشمہ ہدایت قرار دیا گیا۔

زمان میں ایک وقت ایسا بھی رہا ہے جب انسان ایک ہم خیال وحدت تھے۔بسبب انسانوں کے مابین نظریاتی اختلاف پیدا ہو جانے پر اللہ تعالیٰ نے  ازخود سے چنے اورتمام پر اشرف اور محترم قرار دئیے مخلص بندوں(نبیوں)کو حریت پرلگائی گئی قیود سے آزاد کرنے کے لئے مقرر فرمایا۔ان کے ذمہ مبنی بر حقیقت طرز عمل اپنانے والوں  کو خوش کن نتائج کی بشارت/ضمانت  دینا اور باطل طرز عمل پر گامزن لوگوں کو لازمی تکلیف دہ عواقب سے متنبہ  کرنا تھا۔
اور ان جناب نے ان تمام(نبیوں)کے ہمراہ ان کے کلام پر مشتمل مخصوص کتاب کو موقع محل کی مناسبت سے مجتمع انداز میں نازل فرمایا تھا۔مقصد یہ تھا کہ وہ(اللہ تعالیٰ/کتاب)ان باتوں کے متعلق لوگوں کے مابین  فیصلہ کر دے جن میں وہ باہمی اختلاف رکھتے تھے۔(حوالہ البقرۃ۔۲۱۳)

مَعَهُـمُ۔اس مرکب اضافی میں مضاف ظرف مکان اور مضاف الیہ ضمیر"ٱلنَّبِيِّــۧنَ"کو راجع ہے  جس سے واضح ہے کہ کوئی ایک نبی بھی ایسے نہیں جن کے دنیا میں ظہور کےساتھ یعنی معیت میں ان کے لئے متعین کردہ منفرد کتاب کو آسمان دنیا میں نازل نہ کیا گیا ہو۔ تمام کے تمام نبیوں کے ساتھ ان کے لئے مخصوص  کردہ  کتاب کو نازل  کیا گیا۔نبی اور رسول میں شخصیت کا فرق نہیں ہوتا۔نبی ہونا شخصیت  کو تمام مخلوقات پر امتیاز اور ممتاز  ہونے کا درجہ دینا ،اللہ تعالیٰ کا ذاتی طور پر انہیں اشرف المخلوقات  کی حیثیت میں پسند اور سیلیکٹ کرنا ہےاور پھربھرپور جوان ہونے پر ان کو رسول مقرر کرنا ایک ہی شخصیت کے دو حوالے ہیں۔ ا للہ تعالیٰ نے بتایا:

اس حقیقت سے مطلع رہو؛ہم جناب نے ہر ایک امت میں رسول کو لوگوں کو غفلت سے بیدار کرنے کے لئے مبعوث فرمایا تھا۔(حوالہ النحل۔٣٦)

اللہ تعالیٰ نے  "ٱلنَّبِيُّونَ "اور رسولوں کے متعلق الگ الگ"أَنزَلَ مَعَهُـمُ ٱلْـكِـتَٟبَ"اور"أَنزَلْنَا مَعَهُـمُ ٱلْـكِـتَٟبَ"سے واضح فرمایا کہ دونوں الفاظ     منفرد  عظمت   کے حامل ہستی  اور ان کے فرائض منصبی کے ترجمان ہیں۔ دونوں  مرتبہ باب افعال کا فعل"أَنزَلَ"استعمال فرمایا جو مصدر انزال اور ماخذ"ن ز ل"سے ہے۔اس کے بنیادی معنی کسی شئے کو بلند مقام سے کسی پستی کے  مقام کی جانب اتارنا  اور وہاں براجمان کر دینا ہے۔اور اس میں شئے کو یکبارگی ، ایک وقت میں مجتمع حالت میں  اوپر سے نیچے اتارنا یا کسی کی جانب بھیجنا ہے جن کا ذکر الگ الفاظ سے ہوگا۔

اور باب تفعیل کے فعل"نَزَّلَ"مصدر "تَنزِيلٚ"میں ارباب لغت یہ فرق بتاتے ہیں کہ یہ  قسطوں،وقفے وقفے سے مختلف اوقات میں نیچے اتارنے/بھیجنے کو کہتے ہیں جس میں ابتداء سے تکمیل تک  وقت کا ایک عرصہ ہے۔اس لئے وقت کے ایک مقام پر جس قدر"تَنزِيلٚ"کے انداز میں پہنچایا جا چکا ہے اور اسے مجتمع کر لیا گیا ہے تو وقت کے اس مقام وہ مجموع"أُنزِلَ"(فعل مجہول)وہ ہے جو پہنچایا جا چکا ہے۔ماضی کے تمام رسولوں کے لئے کتاب کے حوالے سے کبھی "تَنزِيلٚ" نہیں کہا گیا،ان تمام کا نزول یکبارگی،ایک ہی بار مجتمع حالت میں تھا۔ مگر قرءان مجید  منفرد"ٱلْـكِـتَٟبُ"ہے جسے نہ صرف مکمل کتاب کی صورت  یکبارگی بوقت دنیا میں "خَاتَـمَ ٱلنَّبِيِّــۧنَ"کے ظہور پذیر ہونے پر اور پھر رسالت مآب بننے کے موقع پر آسمان دنیا سے زمین پر ان کی خدمت میں پیش کرنے  کے لئےبھیجا گیا تھا۔اور پھر"تَنزِيلٚ"کے انداز میں  لوگوں کو منتظر رکھتے ہوئے  مکمل مدون ہونے تک پہنچایا جاتا رہا۔

اس طرح تمام زمان و مکان کے لئے مساوی اصول کوبرقرار رکھا گیا کہ منبع ہدایت اللہ تعالیٰ اور سر چشمہ ہدایت اپنے اپنے زمان میں نبیوں  کے ظہور پر نازل کردہ منفرد کتاب ہے جو فرائض رسالت سونپے جانے پر لوگوں تک پہنچانا لازم تھا:

آپ (ﷺ)بیان کردہ  نبیوں کے لوگوں سے رابطے سے ماقبل          انہیں  فرائض سونپنے کے واقعہ کا ذکر کریں     جب ا للہ تعالیٰ نے نبیوں سے میثاق لیا(جس کے نکات یہ تھے):”میں جب تم لوگوں کوانفرادی طور پر  عنایت فرما چکا ہوں گا،وہ عنایت   کتاب (ام الکتاب)میں سے کچھ حصہ اورحکمت کے بعض نکات لوگوں کو پہنچانے کے لئے ہیں ۔
بعد ازاں انہیں لوگوں تک پہنچا دینے  پرجب آپ کے پاس رسول آجائے گا جن کی خصوصیت اور پہچان یہ ہوگی کہ  جو  کتاب و حکمت میں سے عنایت کیا گیا آپ  کے پاس موجود ہو گا وہ  اس موقعہ پر اس کے تصدیق کنندہ ہوں گے۔تو آپ لوگ ان(رسول)پر ضرور اُس وقت ایمان لایا کریں گے اور اس موقع محل میں ضرور ان کی مدد  کیا کریں گے"۔
انہوں (اللہ تعالیٰ)نے پوچھا"کیا آپ لوگوں نے   اس میثاق  کابخوشی اقرار کر لیا ہے۔اورمیرے اس تفویض  کردہ ذمہ داری کے بوجھ  کو اٹھانے اور  نباہنے کے لئے سمجھ کر  اپنا لیا ہے؟"۔ انہوں (نبیوں)نے کہا ”ہم نے بخوشی اس کا اقرار کیا ہے(اس لئے   لوگوں  کو پہنچا کر لازمی نباہیں گے")۔
انہوں (ا للہ تعالیٰ)نے کہا’تم لوگ گواہ رہو اور میں بھی تمہارے ساتھ گواہوں میں ایک ہوں۔“(آلِ عمران۔ ۸۱)

ایک کتاب کوہر ایک دور میں لوگوں کی رہنمائی کے لئے ہر ایک رسول کے ساتھ نازل کیا گیا تھا۔(حوالہ الرعد۔۳۰)

اللہ تعالیٰ جس کے متعلق فیصلہ کرتے ہیں اسے محو فرما دیتے ہیں؛اورجس(کتاب/متن)کے متعلق چاہتے ہیں اسے دوام دے دیتے ہیں۔اور ام الکتاب(تمام تخلیق کے متعلق منبع علم)ان  جناب کے پاس محفوظ اور پوشیدہ حالت میں موجود ہے۔(الرعد۔۳۹)

اس کتاب(قرءان مجید)کے متعلق حقیقت جان لو؛ہم جناب نے اسے مجتمع انداز میں نازل فرمایا/لوگوں تک پہنچایا ہے۔اس کی یکتا خصوصیت  یہ ہے کہ اس کو دوام دیا گیا ہے۔  اس کی خصوصیت یہ ہے کہ  یہ اس سے قبل زمان و مکان میں   تمام نازل کردہ  ہدایت /کلام اللہ پر مشتمل   وحی  کی تصدیق و توثیق کرتا ہے۔
 اور اس کو دوام دینے کا مقصد یہ ہے کہ آپ(ﷺ)ام القریٰ(مکہ مکرمہ)کے لوگوں اور اس کو جو اس کے تمام اطراف میں رہائش پذیر ہے،انہیں کفر و نافرمانیوں کے نتائج و انجام سے پیشگی خبردارفرما تے رہیں۔
اور جہاں تک ان لوگوں کا تعلق ہے جو آخرت کو مانتے ہیں وہ اس (قرءان مجید)پر صدق دل سے ایمان لاتے ہیں۔اور یہ لوگ اپنی صلوٰۃ(مقررہ اوقات پر بااظہار بندگی)کی ادائیگی کے لئے چوکنا اور مستعد رہتے ہیں۔(سورۃ الانعام۔۹۲) 

اللہ تعالیٰ نے زمان و مکان میں ام الکتاب میں سے   نازل کردہ کتابوں میں ہمارے ہاتھوں میں موجوداس کتاب قرءان عظیم کوصفت’’مُبَارَكٚ‘‘سے متصف قرار دیا ہے۔انگریزی کے اولین مترجمین نے اس کا ترجمہ "blessed"کیا اور اردو مترجمین نے اس کا مقابل لفظ’’بابرکت، برکت والی‘‘استعمال کیا۔اس کا مادہ ’’ب۔ر۔ک‘‘ہے۔اس میں سمویا بنیادی اور لازمی تصور اور عنصر عربی زبان کی معتبر ترین لغات ابن فارس(مقاييس اللغة ابن فارس (٣٩٥ هـ))کے مطابق ’’ثَبَاتُ الشَّيْءِ‘‘ہے اور لسان العرب(ابن منظور ٧١١ هـ)کے مطابق ’’النَّماء وَالزِّيَادَةُ.‘‘ہے۔اس طرح اس میں دوام،پھلنے،پھولنے، لوگوں کے لئے نمایاں اور بدستور مشہور ہوتے رہنے کےمعنی لازمی عنصر ہیں۔اس کے معنی اس ثبات/دوام سے ہے جس میں نموبھی شامل ہو؛ یعنی ایک ایسی چیزجو اپنے مقام پر مستحکم بھی ہواور اس کے ساتھ ساتھ بڑھ بھی رہی ہو۔لہٰذا اس میں استحکام اور کثرت،ثبات اور نشوونما دونوں شامل ہوتے ہیں۔نواب صدیق حسن خان نے لکھا ہے کہ عربی زبان کے جن  مادوں/ماخذ میں حرف ’’ب‘‘ اور ’’ر‘‘اکٹھے آئیں ان میں’’ظاہر ہونے‘‘ کا مفہوم مضمر ہوتا ہے۔ لہٰذا’’مُبَارَكٚ‘‘میں ثبات، دوام، استحکام،کثرت،نشوونما،اور ظہور و نمود کے تمام پہلو سمٹے ہیں۔

اس کتاب(قرءان مجید)کے متعلق حقیقت جان لو؛ہم جناب نے اسے مجتمع انداز میں نازل فرمایا/لوگوں تک پہنچایا ہے۔اس کی یکتا خصوصیت  یہ ہے کہ اس کو دوام دیا گیا ہے۔اس لئے زمان و مکان میں تمام افعال و اعمال کے لئےاس کی صدق دل سے اس انداز میں اتباع کرو کہ اس کے مندرجات اور تمہارے درمیان تیسرا حائل نہ ہو۔اور انتہائی تندہی سے  حدود و قیود کی پابندی کرتے ہوئے اللہ تعالیٰ سے پناہ کے خواستگار رہو۔یہ اس لئے ضروری ہے تا کہ تم لوگ رحم کے مستحق بن جاؤ۔(الانعام۔۱۵۵)

اس کتاب(قرءان عظیم)کے متعلق  حقیقت یہ ہے؛ ہم جناب نے مجتمع انداز میں  آپ (ﷺ) کی جانب اس کو نازل فرمایاہے؛اس کی یکتا خصوصیت  یہ ہے کہ اس کو دوام دیا گیا ہے۔اس کا مقصد یہ ہے کہ وہ (متقین،حدود و قیود میں اپنے آپ کو محفوظ کرنے والے)اس کی آیات /مندرجات میں ترتیب و تسلسل سے از خود غوروفکر/تدبر کرنے کی عادت کو  اپنائیں ۔اور یہ کہ صاحبان  دانش و بینائی قلب جو روایات،تعصبات،جذبات،خواہشات،مفادات سے بلند ہو کر کتاب کو سنتے اور پڑھتے ہیں ازخود اس سے نصیحت لے سکیں اور دوسروں سے تذکرہ کریں۔(سورۃ صٓ۔۲۹)

اللہ تعالیٰ نے قرءان عظیم کو ایک نام/خطاب                ’’ذِكْرٚ‘‘دیا ہے۔

علم و حقیقت اور ہدایت کولوگوں تک پہنچانے کا ذریعہ کتاب ہے۔کتاب کے مقصد کے حصول کی کا میابی کا دارومدار اس کی زمان و مکاں میں پہنچ (portability)اور حفاظت و دوام (permanence)پر منحصر ہے۔ اور کتابمُّبَارَكٌیعنی ثبات اور دوام کی حامل قرار پانے کی اس وقت مستحق ہے جب گردش پذیر زمان و مکاں کے تمام مکینوں تک اصل حالت میں پہنچ سکے۔ اور کتاب اصل حالت  (intellectual property)میں زمان و مکان کے مکینوں تک صرف اس صورت میں پہنچ سکتی ہے کہ  اس کے قرطاس پر تحریر کیا ہوا کلام  زمان کی گزر گاہ میں محفوظ رہے کیونکہ کاغذ اور گتے کو دوام حاصل نہیں۔اورکتاب میں تحریر کئے اپنے کلام کی حفاظت صرف وہ کر سکتا ہے جو زمان اور ہرمکان میں ہر لمحہ موجود ہو۔

یہ انتہائی تاکیدی  جملہ ہے۔فعل امرجمع مذکر حاضر   علم سے بہرہ مند ہونے کا حکم ہے۔اور بعد والا جملہ  مصدر کے معنی میں مفعول کے طور ہے۔علم محض زبان سے معلومات کو کہنے کا نام نہیں بلکہ  اس کے مفعول کو پہچاننے اور جاننے اور یقین کی کیفیت میں ہونا ہے۔قرءانِ مجید ہمارے درمیان ہے تو آقائے نامدار ﷺ ہمارے درمیان ہیں۔اور یہ احساس تو تبھی ہو سکتا ہے اگر ہم”زندہ“ہیں کیونکہ مردوں کوتو وہ سنا ہی نہیں سکتے۔اور اگر ہم زندہ ہیں تو ہمارے زندہ ہونے کا ثبوت روایات اور تاریخ کی کھوج نہیں بلکہ آقائے نامدار ﷺ کے بیانِ حقیقت کو سننے اور اس کی اتباع ہے کیونکہ آپ ﷺکی حیات کا ہر لمحہ اس بیانِ حقیقت کی اتباع کی کامل تاریخ ہے۔اتباع میں حرکت ہے۔اتباع عمل کی ہے۔ عمل یاداشت میں محفوظ علم کا مرہون منت ہے اس لئے انسان کے باطن کا عیاں ہونا اس کی یاداشتوں میں محفوظ علم کا مرہون منت ہے۔ اور آقائے نامدار ﷺ کے قلب و ذہن میں محفوظ علم صرف قرءانِ مجید ہے ۔ آپ ﷺ کا ذہن اور قلب مبارک  کائنات کے لئے نور کی آماجگاہ ہے۔میں کائنات کے ان خوش نصیبوں میں سے ہوں جن کے پاس آقائے نامدار ﷺ موجود ہیں کہ آپ ﷺ کا قلب و ذہن ایک کھلی ہوئی کتاب میں میرے پاس موجود ہے۔ قریہ قریہ مجھے گھومنے کی ضرورت نہیں۔ جب چاہوں آپ ﷺ کے قلب و ذہن میں جھانک کر آپ ﷺ سے نورِ ہدایت حاصل کر لوں۔ آقائے نامدار،رسولِ کریم ﷺ پر درود وسلام ہے ہر لمحہ صبح و شام۔

قرءان مجید اللہ تعالیٰ کی  ٱلْءَايَٟتُ پر مشتمل ہے جس کی اتباع آقائے نامدار رسولِ کریم ﷺکرتے ہیں۔یہ وہ مقام ہے جہاں قرءان مجید آقائے نامدار، رسولِ کریم ﷺکی ذات اقدس میں مجسم ہوتا ہے اور تحریر اور حیات باہم ایک محسوس ہوتے ہیں۔ اورعلم  آیات کا ہوتا ہے۔ہر آیت ظاہر اور مشہود ہے جو قابلِ تصدیق ہوتا ہے۔
ہر انسان کا  ظاہر ہے اور ایک باطن۔انسان کا باطن اُس کے روبرو اپنے زمان و مکان میں موجود دوسرے لوگوں کیلئے بھی پنہاں ہوتا ہے۔ا نسان کے باطن کا دوسروں کو ادراک صرف اور صرف اس سے حاصل ہو سکتا ہے جس کی وہ ا نسان اتباع کرتا ہے۔ اور اگر کوئی صرف ایک بات کی اتباع کرے تو اُس انسان کاظاہر اور باطن ایک ہو جاتا ہے۔انسان کاجسد اس کا تعارف ہے لیکن اس کی حقیقت، شخصیت،ہستی (personality,person)کی پہچان صرف اس کا باطن ہے۔ انسان  کا جسد شئے سے ہے جس نے مرنا،میت ہوکر لوگوں کیلئے ظاہر نہیں رہنا کیونکہ اسے قبر میں دفنا دیا جانا ہے۔لیکن جس ا نسان کاباطن ظاہر ہو چکا ہو اور وہ لوگوں کے پاس تحریری شکل میں موجود ہو تو ایسی شخصیت زمان و مکان کی نظروں سے کبھی اوجھل نہیں ہو سکتی کیونکہ حقیقت صرف وہ ہے جو باطن ہے اور جب کسی کا باطن میری نظروں میں ہے تو اس کے جسد کی ضرورت مجھے نہیں رہتی۔ آقائے نامدار ﷺ کا باطن،پنہاں انسان کیلئے ظاہر اور عیاں ہے ۔  اور جس ہستی کا باطن ظاہر ہو اس کے متعلق جاننے اور علم میں تشنگی کا عنصر قطعی طور پر موجود نہیں ہوتا۔وہ ظاہر سے بھی زیادہ ظاہر ہوتا ہے۔ وہ چاروں جہتوں(space-time; four dimensions)میں ہے۔

زمان و مکان  میں  "نذیر"ہمیشہ موجود رہے۔

(اے رسولِ کریم) ہم جناب نے آپ (ﷺ) کو بیانِ حقیقت(قرءانِ مجید) کے ساتھ اور موقع کی مناسبت سے تمام انسانوں کی جانب بھیجا ہے۔ آپ کی حیثیت زمان و مکان میں خوش کن نتائج کی خبر، ضامن اورکفر و نافرمانیوں کے نتائج و انجام سے پیشگی خبردار کرنے والے کی ہے۔(یہ جملہ البقرۃ۔119 میں بھی ہے)
اورکوئی بھی ایسی  امت نہ تھی جسے ہم نے نیست و نابود کیا ہو مگر یہ کہ ایک نتایج و انجام سے متنبہ کرنے والا ان میں گزرا تھا۔

زمانہ قبل میں یہ "نذیر"فقط ایک "امت"کے لئے تھے،مگر آقائے نامدار،رسول کریم ﷺ کے مبعوث فرمائے جانے پر تمام دنیا کو ایک گلوب/بستی کا درجہ اور مقام دے دیا گیا ہے۔اس لئے آپ ﷺ کی بطور "نذیر"حیثیت عالمی سطح پر دائمی ہے۔ارشاد فرمایا:

ثبات و دوام ہے ان جناب کو جنہوں نے اپنے بندے(محمّد ﷺ)پر "الفرقان"/حق اور باطل میں تمیز اور پہچان کرنے کا  عالمی معیاری پیمانہ، کووقفے وقفے سے بھیجا۔اس تنزیل کا مقصد یہ ہے کہ ان(ہمارے بندے)کی حیثیت تمام کے تمام عالم کے لئے زمان و مکان میں کفر و نافرمانیوں کے نتائج و انجام سے پیشگی خبردار کرنے والے کی  ہو جائے۔(الفرقان۔١)

تمام انبیاء علیہم السلام میں صرف آقائے نامدار، رسول کریم محمّد ﷺ کو "لِلْعَٟلَمِيـنَ"نذیر قرار دیا گیا ہے۔اس جار و مجرور میں حرف جر "لِ"لامالاختصاص کہلاتا ہے اور اس کے معنی و مفہوم کسی کے متعلق  کسی بات کی آگاہی، قابلیت،  دائرہ کار کو اس کے ساتھ مخصوص کرنا ہیں۔ اور عالمین میں  تمام بنی نوع انسان اور جنات شامل ہیں جن تک قرءان مجید زمان و مکان میں پہنچا اور پہنچے گا۔اور آپ ﷺ سے براہ راست خطاب میں فرمایا:

(اے رسولِ کریم)ہم جناب نے آپ (ﷺ)کو محض ایک قوم کی جانب رسول بنا کر نہیں بھیجا  مگرتمام بنی نوع انسان  کے لئے   کفایت۔آپ کی حیثیت زمان و مکان میں خوش کن نتائج کی خبر،ضامن اورکفر و نافرمانیوں کے نتائج و انجام سے پیشگی خبردار کرنے والے کی ہے۔
مگراکثر لوگ  سمجھنے کی کوشش ہی نہیں کرتے۔(سورۃ سباء۔٢٨)

اور آقائے نامدار،رسول کریم ﷺ سے ارشاد فرمایا کہ  تمام کے لئے واضح کر دیں کہ آپ ﷺدائمی نذیر ہیں:

اور یہ ٱلْقُرْءَانُ مجھے  زبانی(وحی)پہنچایا گیا ہے۔اس کا مقصد یہ ہے کہ میں تم لوگوں( ہمعصر،ہم نشیں)کواس کے ذریعےکفر و نافرمانیوں کے نتائج و انجام سے پیشگی خبردار کروں اور ہر اس شخص کو جسے زمان و مکان میں یہ ٱلْقُرْءَانُ پہنچ گیا۔(حوالہ الانعام۔۱۹)  

آقائے نامدار، رسول کریم محمّد ﷺ نے ارشاد فرمایا کہ آپ ہر اس شخص کے لئے نذیر ہیں جسے قرءان مجید زمان و مکان میں پہنچ گیا(حوالہ الانعام۔۱۹)اور  اللہ تعالیٰ نے قرءان مجید کو ذی حیات(Personification)کے انداز میں بیان فرماتے ہوئے  انبیاء کرام اور رسول کریم ﷺکی مانند  ہمیشہ کے لئے عالمی "بَشِيـرٙا وَنَذِيـرٙا"قرار دے کراختتام نبوت و رسالت  اور  ہدایت  کا واشگاف اعلان فرما دیا۔

اللہ تعالیٰ نے رسول کریمﷺ کے مبارک ہونٹوں اور زبان سے  بلاغت کی ایک صنف  تجسم (personification)کو استعمال کر کےقرءان مجید کو ابدی "ذی حیات شخصیت"بنا دیا ہے ۔ علم کی دنیا میں کتاب کواعلیٰ قرار دینے کا ایک معیار یہ ہے کہ اپنے متعارف ہونے کے زمانے کے نقوش ہمیں دکھائے۔قرء انِ مجید کی یہ ایک صفت عظیم ہے۔اِس کی عظمت کا  ثبوت یہ ہے کہ اپنے متعارف ہونے کے طویل عرصے کی تاریخ کو اِس قدر تصویری انداز میں بیان فرماتا ہے کہ اُس دور کا مکہ معظمہ اور مدینہ منورہ ہمیں جیتا جاگتا دکھائی دینے لگتا ہے، اِس قدر روشن اور واضح کہ ہم اپنے آپ کو اُس دور اور شہر کا زندہ باسی تصور کر سکیں۔ یہ واحد کتاب ہے جس کے مطالعہ سے  "وقت کا سفر"/Time Travel سائنس فکشن نہیں بلکہ ایک حقیقت محسوس ہونے لگتا ہے کہ ماضی ماضی نہ رہے اور مستقبل مستقبل نہ رہے اور انسان کسی حد تک اس قابل ہو جائے کہ کائنات کی چاروں جہتوں(space-time; four dimensions)میں اپنے آپ کو موجود پائے۔

مگر اس قدر واضح،سادا،تفصیل اور فصاحت و بلاغت کے انداز میں اس اعلان کہ نبوت،رسالت،بشیر،نذیر،معجزہ اور ہدایت کے اجراء کا اختتام ہو گیا ہے ، برصغیر میں ایک بدبخت ، بیسویں صدی کے بدترین منافق مرزا غلام احمد نے نبوت کا دعویٰ کیا اورخود کو نبی نہ ماننے والوں کو  اس نے   ببانگ دہل کافر قرار دیا۔اس نے  یہودی آقاؤں کی سرپرستی اور مالی معاونت سے جماعت احمدیہ  کو تشکیل کر کے برصغیر میں فتنے کا آغاز کیا۔ آقائے نامدار،رسول کریم محمَّد ﷺسے نہ ختم ہونے والا غبار خاطر، کڑھن،جلن،کینہ اورحسد یہودی عمائدین کے قلوب میں ویسے ہی جاگزیں ہے جیسے ابلیس کے قلب میں آدم علیہ السلام اور بنی آدم کر مکرم اور افضل قرار دینے سے ہوئی تھی جو یوم قیامت تک برقرار رہے گی۔کائنات میں  اولین منافق بننے کا "اعزاز" بھی یہودی عمائدین نے حاصل کیا تھا۔

بنی اسرائیل کی فطرت اور اُن کی اندرونی کیفیت و نفسیات کو واضح انداز میں بیان کیا گیا ہے۔آقائے نامدار رسولِ کریم ﷺکی بعثت اور نزولِ  قرءان  مجیدسے قبل بنی اسرائیل اپنے مقابل جنہیں کافر سمجھتے تھے وہ اہلِ عرب تھے جن پر علمی،فکری اور ہر طرح سے فیصلہ کن غلبہ اور برتری حاصل کرنے کے لئے ا للہ تعالیٰ کے آخری نبی اور کتاب آنے کے منتظر تھے۔اپنے  علاوہ تمام دنیا کو کافر سمجھ کر ان پر فیصلہ کن غلبہ اُن کی سوچ کا محور تھا(حوالہ البقرۃ۔٨٩)۔ آیت میں بتایا گیا ہے کہ نبی اور کتاب کے منتظر تھے اورسورۃ الصف کی آیت۔ ۶ بتاتی ہے کہ عیسیٰ علیہ السلام نے بنی اسرائیل کو مخاطب کر کے اپنے بعد آنے والے فقط ایک رسول کی خوشخبری دی تھی۔ یہود کے اکابرین اور علما کا عجب رویہ ہے۔عیسیٰ علیہ السلام کو المسیح،رسول اللہ ماننے سے انکار کیا مگر لگتا ہے کہ انہوں نے عیسیٰ علیہ السلام کی اس خوشخبری کو قلب میں مان لیا تھا کہ ان کی طبعی موت کے بعد اب فقط ایک رسول نے آنا ہے۔اگر ایسا نہیں ہے تو ان کے قبیلوں کا جزیرہ عرب میں جا کر آباد ہونے اور اعراب بننے کا کوئی دنیاوی ظاہری سبب  اور منطق نہیں ہے سوائے اس کے کہ انہیں آخری رسول کاجو نام بتایا گیا تھا  وہ مطلق عربی زبان کا اسم ہے۔مگر جب  عالمگیر رسول کریم کا ظہور ہو گیا تو انہوں نے انکار کر دیا۔انکار کی وجہ محض    شیطانی جذبات اور سوچ کا ان پر غلبہ تھا۔ارشاد فرمایا:

 کتنی بری/ہلکی ہے وہ بات جس کے عوض انہوں نے دانستہ اپنا سودا کیا ہے کہ اللہ تعالیٰ نے جو مجتمع انداز میں نازل کیا/ان تک پہنچایا ہے اُس کا انکار کر دیں—
انہوں نے ایسامحض اِس جذباتی جلن اور غبار خاطر سے کیا کہ اللہ تعالیٰ اپنا فضل (آخری کتاب قرءانِ عظیم)اپنے بندوں میں سے اس  اشرف قرار پائےپربتدریج نازل کریں جنہیں وہ خود پسند فرماتے ہیں۔
چونکہ انکار محض ذاتیات  کی  رنجش  کے سبب ہے اور اپنے میثاق سے روگردانی بھی  ہے  اس لئے انہوں نے اپنے آپ کومجرمانہ جانکاری کے مستحق در مستحق بنا لیا ہے ا للہ تعالیٰ کی جانب سے گرفت میں لئے جانے کے۔متنبہ رہو؛ ایک ذلت آمیز عذاب قرء ان(مجید)کا انکار کرنے والوں کے لئے تیار اور منتظر ہے۔(البقرۃ۔۹۰)

اللہ تعالیٰ نے یہودی عمائدین  میں انکار کرنے والوں کے انکار کی وجہ بھی افشاں کر دی کہ محض آقائے نامدار،رسول کریم ﷺ کی ذات اقدس سے بَغْيٙا، کینہ، جلن،پرخاش اور کڑھن کا شاخسانہ تھا۔عرب کے زمانہ جاھلیت کی خاص بات لوگوں کا جذبات پرست ہونا،نسلی حمیت،قبائلی برتری، خود ساختہ عظمت  اور فضیلت کا زعم  تھا۔بنی اسرائیل کے عمائدین میں یہ "جھالت"اپنے عروج پر تھی۔آقائے نامدار،رسول کریم چونکہ ان کے جد امجد ابراہیم علیہ السلام کے بڑے بیٹے اسماعیل علیہ السلام کی نسل سے ہیں اس لئے سلسلہ نبوت میں انہیں فضیلت دے کر   خَاتَـمَ ٱلنَّبِيِّــۧنَ    اورعالمگیر رسول مبعوث کئے جانے پر ان کے اپنے تخیل سے بنائی ہوئی امیدیں دم توڑ گئیں۔تخیل سے بنائی ہوئی  افضل اور اشرف  بنائے جانے کی امیدیں جب دم توڑتی ہیں تو احساس مایوسی اپنی انتہا پر ہوتا ہے ۔اور اس انتہا کی مایوسی شیطانیت اور طاغوت کو جنم دیتی ہے۔پھر چاہے ابلیس ہو چاہے خود ساختہ  عظمت و بڑائی کے غرور اور تکبر کی دلدل میں دھنسے اکابرین و عمائدین   اور مرزا غلام احمد اور راشد خلیفہ جیسے شیطان کا پرتو بن جاتے ہیں،حقیقت سے دور سرکش اور باغی  ۔جسے یہ  شیطانی خیال ڈس لے وہ اصلی شیطان یعنی کوبرا سانپ کے ڈسے شخص کی مانند  مخبوط الحواس، دو نظری(diplopic)بن جاتا ہے۔

جس کسی کابڑائی کاخود ساختہ زعم اور اُسے پانے  کی خواہش جب پاگل پن کی حدوں کو چھونے لگے توایسی کیفیت تنبیہ کے باوجودجہنم کی آگ میں ڈال دئیے جانے کے بدترین انجام کو بھی خاطر میں نہیں لاتی۔در حقیقت  خودستائی  میں عالی مرتبت ہونے کے گمان میں مبتلا اندر سے کھوکھلے ، گھٹیا اور پست ذہنیت اور نفسیات رکھنے والے  کم ظرف بیوپاری  ہیں جو حسد میں  بالاخرخود اپنی ذات  کو بیچ  دیتے،اورمسخ  کر کے زمین بوس ہوتے ہیں ۔یہودی  عمائدین اور علماء کی اکثریت حسد کی آگ میں جل رہے ہیں۔

اہلِ کتاب میں سے  ان (یہودی)مقتدر اور صاحبان علم کی اکثریت    کی یہ خواہش ہےجو نسلی تعصب اور جلن کی  آگ میں کڑھ رہے ہیں۔
کہ کاش تم  رسول کریم اور قرءان مجید پرایمان لے آنے والوں کوایمان لانے کے بعدانکار کرنے والوں میں لوٹا دیں ۔ یہ خواہش صرف اُن کے حسد کی بنا ء پرہے۔
ان کی یہ خواہش باوجود اس کے ہے کہ بیان حقیقت (قرء ان مجید)نے ان کے لئے ہر بات کو نکھار کر واضح اور متمیز کر دیاہے ۔اِس لئے تم لوگ حقیقت بتا ؤ اور اُن سے کنارہ کش رہو اُس وقت تک کہ اللہ تعالیٰ کا حکم جاری ہو/تم تک پہنچے۔
یقیناًاللہ تعالیٰ ہر ایک شئے اور معاملے کو پیمانوں میں مقید کرنے پر ہمیشہ سے قادر ہیں۔(البقرۃ۔١٠٩)

"حَسَدٙا"مصدر [فعل حَسَدَ-يَحْسُدُ] کامادہ ”ح س د“اور اصل معنی چھیلنے کے ہیں۔وہ ذہنیت جس کی رو سے تمنا کی جاتی ہے کہ دوسرے کے پاس جو کچھ ہے وہ اُس سے چھن کر مجھے مل جائے اور اگر مجھے نہ بھی ملے تو کم از کم اُس سے ضرور چھن جائے۔ اور اِس مقصد کو حاصل کرنے کیلئے حربہ بھی انہوں نے وہی پسند کیا ہے جو ابلیس نے اختیار کیا ہے۔اللہ تعالیٰ کے نازل کردہ کلام،بیانِ حقیقت سے ماوراء تخیل سے اختراع کی ہوئی باتوں کو زمان و مکان میں کثرت سے پھیلا کر ذہنی اور فکری انتشار پیدا کرنا تا کہ لوگ اپنی خواہشوں میں مگن رہنے کے باوجود آخرت کے متعلق خوش فہمیوں اور آرزؤں میں ڈوبے رہیں۔

ابلیسیت کے پیروکار،خود ستائی، خود نمائی، خود پرستی کی نفسیاتی بیماری  کے شکار مختلف طرح کے عدم توازن والی شخصیات (personality disorders)نے اللہ تعالیٰ کے نبی کے مماثل مقام کی خواہش اور آرزو میں  نبوت کے اختتام کومبہم اور مشکوک بنانے کے لئے تمام بحثوں کا محور سورۃ  الاحزاب کی آیت مبارکہ۔40کو بنایا ہے۔شیطان کے نقش قدم پر چلنے والے یہ لوگ کس قسم کے عدم توازن والی شخصیات  ہیں؟یہ جاننے اور جواب دینے کے لئے آپ کا ماہر نفسیات ہونا قطعی ضروری نہیں۔یہ جو چاہتے ہیں وہی ان کی نفسیاتی بیماری اور شخصیت کی  تشخیص ہے۔نرگسیت پسند  شخصیت۔جسے انگریزی میں "Narcissistic Personality Disorder" کہتے ہیں۔اور قرءان مجید کی تشخیص کے مطابق  انہیں  عربی زبان  میں  ایک  اصطلاح منافق سے موسوم کیا گیا ہے۔

نفسیاتی سائنس کے ماہرین  شخصی عوارض میں بتاتے ہیں کہ یہ ایک ایسی  ذہنی حالت ہے جس میں لوگوں کو  اپنی اہمیت کا احساس بہت ابھرا ہوا اور گہرہ ہوتا ہے۔ ضرورت سے زیادہ گہری توجہ  اور مدح سرائی کے طالب ہوتے ہیں۔اور مشقت،پریشان کن تعلقات اوردوسروں کے لئے ہمدردی کا فقدان ہوتا ہے۔ایک انتہائی اعتماد کا وہ نقاب اوڑھے ہوتے ہیں  جس کے پیچھے درحقیقت ایک نازک خود اعتمادی ہے جو ہلکی سے تنقیدی آواز سے بھی  خطرہ محسوس کرتی ہے۔اسلامی معاشرے میں یہ "خصوصیات"منافقین میں  بدرجہ اتم پائی جاتی ہیں۔

ابلیسیت کے پیروکار یہ تمام لوگ دعویدار ہیں کہ  قرءان مجید کو مانتے ہیں اور یہ کہ اس سے استدلال کرتے ہیں۔ان میں سے بعض  جیسے مرزا غلام احمد اور راشد خلیفہ عربی زبان کے عالم فاضل ہونے کے بھی شہرت رکھتے تھے  اور قرءان مجید کے مترجم اور" مفسر "بھی ہیں۔آخر یہ لوگ نبی کے مقام کے مماثل ہی کے خواہش مند  کیوں ہیں؟ اس لئے کہ یہ سب جانتے تھے اور ہیں کہ تمام کائنات اور مخلوقات میں نبیوں کا مقام و مرتبہ بلند ترین اور وہ اشرف المخلوقات ہیں کیونکہ ملائکہ اور جنات میں سے کسی کو یہ مرتبہ عنایت نہیں کیا گیا۔دلچسپ بات یہ ہے کہ اللہ تعالیٰ نے ان تمام کو "ٱلسُّفَهَآءُ"منفرد قسم کےبے وقوف قرار دیا ہوا ہے (حوالہ البقرۃ۔13)

اللہ تعالیٰ کا فرمان ہمیشہ مطلق حقیقت ہوتا ہے۔محض ایک حوالے سے ان لوگوں کا نہ صرف  منفرد قسم  کےبے وقوف ہونا ثابت ہو جاتا ہے بلکہ  ختم نبوت پر  ان کی تمام بحث   کا اختتام ہو جاتا ہے جس کو یہ لوگوں کو الجھانے اور اپنے  گرویدہ بنانے کے لئے  دانستہ گنجلک بناتے ہیں۔یہ جھوٹ، تحریف ، اختراع اور من گھڑت اوٹ پٹانگ تاویلوں سے اپنے اپ کو قرءان مجید کے حوالے سے نبی اور رسول یا ان کے مماثل ہونے کا دعویٰ کرتے ہیں مگر خود اپنے ترجمے اور تفسیر میں سورۃ الحدید کی آیت ۔ 10 میں اللہ تعالیٰ کے قول فیصل میں تحریف کرنا بھول گئے اور خود لکھا کہ دنیا میں پیدا ہونے والا کوئی انسان رتبے اور مقام میں ان لوگوں کے مساوی نہیں ہو سکتا جنہوں نے فتح مکہ سے پہلے ایمان لا  کر مال  خرچ کیا اور جنگ میں حصہ لیا۔ خود مانا کہ  ان صحابہ کرام کے مقام و مرتبت  کے مساوی  درجے کے اہل کوئی انسان نہیں۔اس کے باوجود کتنے منفرد قسم کے بے وقوف ہیں  کہ ان صحابہ کرام سے کہیں اونچے درجے اور مقام  پر اپنے آپ کو فائز کرتے اور لوگوں سے منوانے کے درپے رہتے ہیں۔

مرزا غلام احمد اور راشد خلیفہ  جیسی فاسق سرشت رکھنے والے ماضی کے ایک سکالر کی مثال بیان کرنے کا  اللہ تعالیٰ نے آقائے نامدار،رسول کریم کو حکم دیا:

اور آپ(ﷺ)اس شخص کی خبر ان لوگوں(بنی اسرائیل)کو بعینہ نازل کردہ الفاظ میں سنا دیں جسے ہم جناب نے  اس دور میں نازل کردہ  کتاب کے مندرجات (آیات)کا علم عنایت کیا تھا۔چونکہ اس نے انہیں اپنا ذریعہ معاش بنا لیا تھا اس لئے  شئے  سے الگ  ہوئے چھلکے کی مانند وہ ان سے الگ سوچ کا حامل ہو گیا۔
چونکہ شیطانی روش پر عمل پیرا ہو گیا تھا اس لئے شیطان اس کا پیچھا کرتا رہا۔اس کے نتیجے میں اس نے شیطانی ،راست سے بھٹکے برباد ہوئے شخص کی زندگی بسر کی۔(الاعراف۔١٧٥)

اور اللہ تعالیٰ نے اس کے مُماثل کے متعلق بتایا:

اور اگر ہم  جناب نے(اس کو عنایت کردہ حریت کو سلب کرنے کا)ارادہ کیا ہوتا تو یقیناً ہم اسے ان(آیتوں)کے ذریعے ارفع مقام دے دیتے مگر اس نے اپنے آپ کو پستیوں کی جانب بدستور رواں رکھا۔اور اس نے دانستہ اپنے مفادات اور خواہشات کی پیروی کو مقدم رکھا۔
چونکہ اس نے لوگوں کو اپنا گرویدہ بنائے رکھنے کے لئے دلفریب باتوں کی تکرار کو اپنی روش بنا لیا تھا اس لئے اس کی مثال ایک منفرد کتے کے مثل ہے۔اگر آپ(ﷺ)اس(منفرد کتے)پر بوجھ لاد دیں تو وہ زبان کے لعاب کو باہر نکال کر ہانپے گا،یا اگر آپ اسے ویسے چھوڑ دیں تب بھی زبان کے لعاب کو باہر نکال کر ہانپے گا۔(حوالہ الاعراف۔١٧٦)

عرب میں کتوں سے باربرداری کا کام نہیں لیا جاتا تھا۔لیکن آیت مبارکہ سے واضح ہے کہ مخصوص  کتے (sled dog)کا حوالہ ہے جو سائبیریا جیسے علاقوں میں باربرداری کیلئے استعمال ہوتا ہے۔اس بات کو یاد رکھیں کہ زبان نکال کر کتا اپنے دماغ کی حرارت کو ٹھنڈا کرتا ہے،یہ اس کا فطرتی نظام ہے۔اور یہ کہ کتا اپنے رب کے حضور سجدہ ریز ہوتا ہے اور اس میں کوتاہی نہیں کرتا۔اس لئے اس کا تذکرہ  طنزیہ یا گھٹیا پن کے لئے نہیں ہے۔ایک مقصد کے لئے بیان کیا گیا ہے کہ  نرگسیت پسند شخصیت کی  مفادات کے حصول کے لئے ہر وقت رال  ٹپکتی رہتی ہے۔آئیں معروضی طور پر غور کریں کہ بظاہر ایک عالم،مذہبی رہنما جس کی تمثیل ہمارے علم میں لائی گئی ہے،اس کی نفسیات اور روئیے کے بارے میں،اگر ایسا کوئی شخص ہمارے آس پاس موجود ہے تو اس کو پہچان لیں اور اس سے کنارہ کش ہو جائیں۔اورمرزا غلام احمد کی تشکیل کردہ جماعت سے علیحدگی اختیار کر لیں کیونکہ  اس شخص کی مثال پوری قوم/جماعت پر بھی صادق آتی ہے:

یہ بیان کردہ روش ان لوگوں کی بھی مثال ہے جنہوں نے ہم جناب کی نازل کردہ آیات سے الصاق کر کے باتکرار جھوٹ بولا۔چونکہ اس طرح کے لوگ ہر دور میں موجود ہوتے ہیں  اور آپ  کی  نرم خو عادت کو جانتے ہوئے ہم  آپ (ﷺ)کو تاکید کرتے  ہیں کہ اس قصہ کو من و عن الفاظ میں بیان کر  دیں۔اس سے مقصد اور امکان یہ ہے کہ وہ ازخود غورو فکر سے  کام لے کرایسے لوگوں کو متمیز کر سکیں۔(الاعراف۔١٧٦)

اس خواہش کے زیر اثر کے مرزا غلام احمد اورراشد خلیفہ جیسے لوگوں سے متاثر ہو کر یا ان سے متاثر اپنے باپ دادا کی تقلید میں انجانے میں (فاسق)منحرف ہو کر ضالین اور منافقین کی فہرست میں شامل ہو گیاکوئی شخص پلٹ پائے، میں نے کوشش کی ہے کہ قرءان مجیدکے اہم ترین موضوعات میں شامل اختتام نبوت، اختتام رسالت، اختتام وحی،اختتام آیات (معجزات)، اختتام ہدایت اور اتمام دین؛جنہیں انتہائی نفاست سے متن میں فصل اورانتہائی آسان فہم انداز میں  واضح  اور متبین فرمایا گیا ہے،اختصار سے مگر سختی سے اکیڈیمک اصولوں کے تابع رہتے ہوئے بیان کر دوں۔محبت کی اوج یہ غم ہے کہ کسی کو دوزخ میں جانے کے امکان سے دور کرنے کے لئے حتیٰ الامکان کوشش کی جائے۔یہ اصل حیات(ٱلْحَيَوَانُ)دینا ہے ۔ اللہ تعالیٰ کے جلیل القدرعالی مرتبت رسول کریمﷺکے قلب مبارک کےنہ ختم ہونے والےغم کو جاننے والےاور اللہ تعالیٰ سے شاباش پانےکے ہر خواہش مندپر یہ جذبہ محبت واجب ہے۔مشورہ ہے کہ اوپر بیان کردہ آیات مبارکہ پر ازخود غوروفکر کر کے نبی کا بہروپ دھارنے والے  منافق مرزا غلام احمد کو پہچان کر واپس آقائے نامدار، رسول کریم محمَّد ﷺکی رحمت کی چھاؤں تلے آ جاؤ اور آخرت کو سنوار لو ،اس سے قبل کہ وقت اور مہلت ہاتھ سے نکل جائے یا قلوب پر مہر لگ جائے۔اگر پلٹ آؤ گے تو اس دوران مسلمانوں کی طرح جو اعمال کئے ہیں وہ اجر کے مستحق رہیں گے وگرنہ آخرت کے حوالے سے خاکستر ہیں۔

حجاز میں بودوباش اختیار کر کے عربیت طرز زندگی کے خوگرہو جانے والوں(یہودیوں)میں جانے پہچانے لوگوں نے کہا’’ہم رسول کریم اور قرءان           مجید پر ایمان لے آئے ہیں‘‘۔آپ(ﷺ)ارشاد فرمائیں’’تم لوگ ایمان نہیں لائے، البتہ تم لوگ یہ کہو’’ہم اسلام پر کاربند ہو گئے ہیں،مسلمان ہو گئے ہیں‘‘۔
اور حقیقت یہ ہے کہ اگر اور جب بھی ایمان  تم لوگوں کے قلوب میں داخل ہو جائے گا۔اور اگر تم اللہ تعالیٰ اور ان کے       رسو ل   کریم  محمّد (ﷺ)کے بیان ( قرءان مجید)کو قلب و زبان سے      تسلیم   کر لو گے۔
توایسا کر لینے پر وہ جناب تمہارے اسلام کے تحت اور اچھے اعمال میں قطعاً صرف نظر نہیں کریں گے۔یقینا اللہ تعالیٰ  درگزر اور پردہ پوشی کرنے اور معاف فرمانے والے ہیں، منبع رحمت ہیں‘‘۔(الحجرات۔۱۴)

منافقین ڈھٹائی سے جھوٹا حلف لینے کے بھی عادی ہیں۔دوٹوک الفاظ میں مطلع فرمایا: